Hot Toys 上的文武

Line Today 厲害呀，咁都可以撈埋嚟講。Hot Toys 當然有華籍員工，3D scan 嘅 技術又已經成熟⋯⋯不過設計部最大嗰個同埋批嗰位都唔係太在乎，始終係一個非電影官方嘅副產品。唔少土生土長嘅國家領導者都搞唔好自己嘅國家啦，咁就咪去質疑人地公司嘅團隊。又或者係有心整到爭啲爭啲咁，等華人社區多一個話題，brand exposure & awareness 嘛。嗱而家多咗人認識呢間公司，咁咪係成功囉。

既然硬係要找碴，我又畀少少愚見啦。個人認為問題係喺條嘴度多啲：

1. 太扁。落得凡間有幾多問心唔係被貶㗎啫？
2. 太平。天下都想有嘅太平。
3. 太長。不過點都長唔過統治者希望擁有嘅帝位年期。

齋望條嘴，我覺得似尼古拉斯基治就真。

安妮維，基治蛋牛治單春治乜治物治，都總好過人治。點講都只係一舊冇生命嘅擺設啫，更加唔會拮到我啲肉。嗯，所以我冇有投訴㗎。

呢隻 Hot Toys，認真妙哉！