套戲後勁好強...睇完攤咗好一會都未緩過氣來。Netflix播完去返原版面先知原來得1小時56分鐘，但好似睇咗好耐咁，有佢哋大半輩子咁長。喺呢種時勢下，無論睇咩都會引發對社會問題嘅審視，何況係陳可辛嘅作品？有感觸嘅嘢太多了。李翹同黎小軍講過好多嘢，其中一句係「香港地肯捱肯搏，一定有出頭天」。

喜劇之王係我重睇過最多次嘅星爺片，連對白都背到一大半。老套都要講，喜劇之王我真係由細睇到大㗎，從大家仲會喺飯檯前追cctvb睇到依家個個入晒房睇Netflix，我都仲睇緊。論卡士，又張柏芝又成龍咁，自然唔會係不斷重睇嘅原因。我係唔知第幾次睇，突然發現原來呢套唔係一套喜劇嘅時候，先真正鍾意上佢。

今早在半醒半睡下碌電話，撲面而來的幾乎是清一色的國安法消息以及隨之而來的末世感。可能是未瞓醒，也可能是未驚過，我啊一聲後就沒了反應，腦內浮現的卻是《火口的二人》。電影很好看，真的，在情慾的刻劃上亦寫實得很，反襯出了末日的虛無——無能為力的話，我們來做愛吧。