不過其實那晚我真的身體很攰，而且沒有堂食，進食不足。但在深水埗探68X回家時，我也有種，我是自由的。起碼， 我是一直在尋找著各種刺激我思維的事情，我一直在實驗，我 輸出輸入。

其實我哋嘅眼一直受到高度嘅「監控」，可以睇啲乜嘢？唔可以睇乜嘢？點樣去睇？其實好多嘢我哋以為好自由，自己係用自由意志作出選擇，但其實背後實在有太多嘅操縱。

依家有唔少攝影師都係由Instagram起家，只要你嘅相片夠吸睛，有時真係可以一炮而紅。但就係因為要夠吸睛，你會發現好多IG嘅相未必好襟睇，而且好相似。

點解我同某某大師所影嘅相明明好相似，但佢做嘅就係藝術，而我做嘅就乜都唔係。係唔係因為佢係藝術家，所以佢做嘅嘢就係藝術品？定係背後有啲乜嘢原因？究竟乜嘢係藝術？點樣先算係藝術品？當時心裏面有千萬個疑問。