電影 - หลานม่า - 全職乖孫

一部拍得好細緻，但係又唔煽情又唔悶嘅親情片，要再次讚嘆泰國導演編劇可以編出一個有啲搞笑、有啲淚水嘅電影，能感動人但又唔係好老土，呢個功力都真係非常之唔簡單。

其實故事好簡單就係個孫想婆婆留返間屋俾自己，就趁佢最後嘅歲月裏邊陪佢多啲，希望有得分。

電影精彩嘅地方係每個演員佢哋相互嘅關係都好細膩咁描寫出嚟，但係你又唔覺得佢哋有拖戲嘅情況，亦都冇一啲硬推眼淚嘅場面，好直接咁將一個普遍出現嘅寵愛問題呈現出嚟。

無論時代有幾進步，有啲家庭問題可能係上一代遺留，又或者觀念仲未轉變，但係點樣面對，用咩態度處理，呢個仍然係你可以決定嘅。

果然係一齣有意思嘅電影，推薦。