經典遊戲回顧系列 超任SFC 大盜五右衛門3

而老兵今次想回顧的未必大家會玩過或者立即想起的遊戲, 那便是 大盜五右衛門系列, 而老兵玩過的便是其第3集.

記得當年是在考 Mock 前的假期, 跟同學在家溫書溫到個腦實晒, 便打機輕鬆下. 個同學在書包拿了一盒卡帶出來, 正正便是 大盜五右衛門3了.

初時還在想, 為什麼要打RPG game… … 點知一開出來才知道, 無錯, 走劇情的時候, 的確是RPG 的味道, 行村莊, 拿任務, 但在戰鬥時, 卻是橫向動作解謎模式, 係好需要用腦及技巧的… … 最重要的是, 可以雙打. 真心估唔到, 而且, 係非常好玩. 就算唔識日文, 其實單靠背選項位置及漢字, 大概也估到要怎樣過關. 而此遊戲非常有趣的地方便是除了橫向動作過版之外, 還可以坐大機械人作戰 (好似魔神英雄傳, 魔動王咁), 也有不同的方式跟BOSS戰鬥, 非常好玩~!

結果, 整個Mock 前的假期除了溫書之外(真心有溫), 便是把 大盜五右衛門3打爆機啦~! 真係好開心, 因為同同學一起玩, 一起爆機係好正嘅事~!

以前學生哥, 那裡有錢買咁多game玩, 都是一幫同學各自把自己的遊戲互借來玩. 十個同學每人一款便有十款, 每人十款便有一百款~! 所以, 熱門的遊戲, 自己玩悶左, 借出去可能一年後都未必可以收回來. (如: 龍珠Z武鬥傳).

唉~! 學生的時期, 真心好~!

想重溫一下 gameplay, 可以看看以下 youtube:

youtu.be/8YW4K66AvTA...

Web 2 game 世界, 回憶滿滿, 樂趣多多.

老兵 out~!